Попын хаан,  домогт дуучин  Michael Jackson амьд ахуйдаа олон зүйл дээрх мөнхөрч байсан билээ. Тэгвэл түүнийг саяхан видео тоглоом дээр мөнхлөхөөр шийдсэн байна. Францын "Ubisoft”  компанийн өөрсдийн бүтээсэн тоглоомдоо Jackson-ныг олон алдартай бүтээллийн хамт оруулахаар болжээ. Michael Jackson Францын "Ubisoft”  компанийн бүтээсэн "Бүжиглэцгээе” гэх цуврал видео тоглоомонд дахин амьдарч эхэллээ. Тус компанийханд өнгөрсөн жил Michael Jackson-ээр энэхүү тоглоомоо хийн цувралаа баяжуулах санаа төрсөн бөгөөд уг тоглоомондоо Michael Jackson-ны  хамгийн алдартай "Beat It", "Billie Jean ", "Bad", "Thriller", "Rock with You", "Smooth Criminal", "Black or White", "The Way You Make Me Feel" зэрэг дуунуудыг багтаажээ. Энэхүү тоглоом нь өнөөдөр Америкт худалдаанд гарч байгаа бөгөөд энэ сарын 14-нд Европт худалдаанд гарах юм байна. Тоглоомонд түүний алдартай дуунуудыг, гайхалтай бүжгийн хөдөлгөөнүүдтэй нь хослуулан программчилсан бөгөөд тоглогчид попын хааны бүжгийн чадвараас бага ч гэсэн суралцах боломжтой гэнэ. Үүнээс гадна тоглогчид бүжиглэхийн зэрэгцээ алдарт дуучны дуунуудыг нь дуулж өндөр технологоор үнэлүүлж болох аж. "Ubisoft”  компани нь Michael Jackson-ны тоглоомыг  "Xbox 360”, "PlayStation” , "PS3”, "PSP”, "Wii” болон  "Nintendo DS” нарт зориулан бүтээжээ.