Шанхайн Төв Эмнэлэгт Хятадын хамгийн өндөр үнэтэй эмч нар цугларч нэгэн залуу бүсгүйд гоо сайхны маш хүнд хагалгааг ямар ч үнэ төлбөргүйгээр хийх болжээ. Учир нь тэрхүү бүсгүй найз залуугаа эргүүлэн авахын тулд энэ хүнд хагалгааг хийлгэхээр шийдэж Шанхайн Төв Эмнэлэгт өргөдөл гаргасан гэнэ. Тэрээр өргөдөлдөө "Миний найз залуу Jessica Alba-ийн шүтэн бишрэгч, түүний гэрийн ханаар дүүрэн Алба-гийн зураг байдаг. Бас хөнжил, дэрэн дээр нь хүртэл Алба-гийн зураг байдаг. Тэр намайг өөрөөр минь байлгахыг биш Алба шиг байлгахыг хүсдэг байсан. Тэгээд нэг удаа намайг  Алба –тай адилхан болж нүүрээ будахыг хүсэж будаг авч өгсөн. Би Алба-гийн зургийг харж байгаад аль болох адилхан харагдахаар хичээж будсан боловч найз залуугаас минь бусад хүмүүс намайг яг л алиалагч шиг харагдаж байгааг хэлж, шоолдог байсан. Тэгээд би нэг өдөр найз залуудаа уурлан түүнийг алгадсан боловч намайг аргадахын оронд орхиод явчихсан. Би түүндээ өөрөөсөө ч илүү хайртай болохоор эргүүлэн авахын тулд өөрийгөө Алба-тай адилхан болгож өгөхийг та бүхнээс хүсч байна. Хагалгааны үр дүн яаж ч эргэсэн надад гомдол байхгүй” гэсэн байжээ. Үүнийг хүлээж авсан тус эмнэлэгийнхэн бүсгүйн зоригийг гайхан, хүндэтгэж зөвхөн Шанхайн бус Хятадын сайн эмч нарыг цуглуулан энэ хүнд хагалгааг ямар ч үнэ төлбөргүйгээр хийж, түүний хүслийг биелүүлж өгөхөө мэдэгдсэн байна.